دی خیبر ٹائمز رپورٹ
پاکستان کا موجودہ انتظامی و سیاسی ڈھانچہ طویل عرصے سے سست روی،اختیارات اور عوام کو بنیادی سہولیات کی عدم فراہمی جیسے سنگین مسائل سے دوچار ہے۔ اسی بنا پر ملک میں موجودہ چار صوبوں کے بجائے 12 سے 15 نئے صوبے یا انتظامی یونٹس بنانے پر قومی سطح پر ایک سنجیدہ بحث کا آغاز ہو چکا ہے۔ وفاقی کابینہ کے ارکان سمیت ملک کی ممتاز سیاسی شخصیات اس موضوع کو اہم ترین قومی ایجنڈے کے طور پر پیش کر رہی ہیں۔ وفاقی وزیرِ داخلہ محسن نقوی نئے انتظامی فریم ورک کے قیام پر قائم ہیں، جبکہ وفاقی وزیر احسن اقبال کے مطابق مسائل کا حل یا تو 12 سے 15 نئے صوبوں میں ہے یا پھر 160 مکمل بااختیار مقامی حکومتوں کی تشکیل میں۔ دیگر سیاسی رہنما بھی بیوروکریسی کے جمود کو توڑ کر عوام کی دہلیز تک اختیارات کی منتقلی کو ناگزیر قرار دیتے ہیں۔
اس اہم معاملے پر ملک کی بڑی سیاسی جماعتوں کے موقف میں واضح حکمتِ عملی اور تضادات دکھائی دیتے ہیں۔ ایک طرف جہاں مسلم لیگ (ن) کی اعلیٰ قیادت کی خاموشی کو ایک محتاط سیاسی حکمتِ عملی قرار دیا جا رہا ہے تاکہ وفاقی اتحاد کے تحفظ اور سندھ و پنجاب کے سیاسی ردِعمل کا جائزہ لیا جا سکے، وہیں پاکستان پیپلز پارٹی سندھ کی حد تک کسی بھی جغرافیائی یا انتظامی تبدیلی کی سخت مخالف ہے۔ سندھ اسمبلی میں اس کے خلاف شدید تقاریر کی گئیں اور مذمتی قراردادیں منظور کی گئیں، حالانکہ پی پی پی کو پنجاب میں جنوبی پنجاب صوبے کا پرزور حامی دیکھا گیا ہے۔ دوسری جانب ایم کیو ایم پاکستان سندھ اور کراچی سمیت پورے ملک میں انتظامی بنیادوں پر فوری نئے صوبوں کا مطالبہ کر رہی ہے، جبکہ تحریکِ انصاف، جے یو آئی (ف) اور جماعتِ اسلامی جیسی اپوزیشن جماعتیں بھی بہتر حکمرانی کیلئے نچلی سطح پر اختیارات کی منتقلی کو وقت کی ضرورت سمجھتی ہیں۔
سیاسی اختلافات سے ہٹ کر پاکستان میں نیا صوبہ بنانا ایک پیچیدہ آئینی عمل بھی ہے۔ آئینِ پاکستان کا آرٹیکل 239(4) یہ شرط عائد کرتا ہے کہ کسی بھی صوبے کی حدود میں تبدیلی کیلئے پارلیمنٹ کے دونوں ایوانوں میں دو تہائی اکثریت کے ساتھ ساتھ متعلقہ صوبائی اسمبلی کی کل رکنیت کی دو تہائی اکثریت کی منظوری بھی ضروری ہے۔ موجودہ سیاسی صورتحال میں اگر پنجاب اسمبلی سے جنوبی پنجاب یا بہاولپور کیلئے منظوری مل بھی جائے، تو سندھ اسمبلی سے ایسی کسی قرارداد کا پاس ہونا تقریباً ناممکن دکھائی دیتا ہے، جس سے ایک آئینی و سیاسی ڈیڈ لاک جنم لیتا ہے۔
پاکستان کو موجودہ انتظامی و معاشی بحران سے نکالنے کیلئے ضروری ہے کہ نئے صوبوں کی تشکیل کو لسانی تعصبات سے پاک کر کے خالصتاً انتظامی، معاشی اور جغرافیائی بنیادوں پر استوار کیا جائے۔ اگر دو تہائی آئینی اکثریت کے حصول میں فوری دشواری کا سامنا ہو، تو فوری متبادل کے طور پر ملک کے تمام اضلاع اور ضلع کونسلوں کو مالیاتی و انتظامی اختیارات منتقل کر کے بلدیاتی نظام کو بااختیار بنایا جائے تا کہ صوبائی خودمختاری کے فوائد براہِ راست ان عام عوام پہنچ جائے، جس کی رسائی وفاقی یا صوبائی حکومتوں تک ممکن نہ ہو۔
Summery
A growing national debate in Pakistan surrounds replacing the current four-province structure with 12 to 15 administrative units or empowering 160 local governments to address governance paralysis, centralized power, and poor public service delivery. Prominent federal leaders, including Interior Minister Mohsin Naqvi and Planning Minister Ahsan Iqbal, advocate for creating smaller administrative units or devolving authority to break bureaucratic inertia and bring governance closer to the public.
Political consensus remains fragmented due to conflicting strategic interests:
-
PML-N: Maintains a cautious, calculated silence to preserve its federal coalition while observing regional reactions in Sindh and Punjab.
-
PPP: Strongly opposes any division of Sindh, having passed condemnation resolutions in the Sindh Assembly, despite supporting a separate South Punjab province.
-
MQM-P & Opposition: MQM-P, along with opposition parties including PTI, JUI-F, and Jamaat-e-Islami, actively supports administrative restructuring and new provinces across the country.
The primary hurdle to reform is constitutional. Article 239(4) of the Constitution of Pakistan stipulates that creating a new province or altering existing boundaries requires a two-thirds majority in both houses of Parliament, as well as a two-thirds majority in the concerned Provincial Assembly. While consensus might be attainable in Punjab, a two-thirds approval in Sindh remains politically impossible under current dynamics, resulting in a deadlock.
To overcome this impasse, reform must prioritize administrative and geographic efficiency over political or linguistic divisions. If the high constitutional threshold for new provinces cannot be met immediately, the government’s focus should shift to fully empowering district-level local bodies with financial and administrative autonomy to ensure decentralized governance reaches the grassroots level.
Nasir Dawar: Editor | The Khyber Times &Researcher: Contact Email: dawarjan@gmail.com
