دی خیبر ٹائمز خصوصی تحقیقی رپورٹ
اکتوبر 2026 کے پہلے ہفتے میں خطے کی سیاست میں دو انتہائی اہم اور باہم جڑے ہوئے واقعات رونما ہوئے، جنھوں نے پاک افغان تعلقات، علاقائی تجارت اور بیجنگ کے اسٹریٹجک حساب کتاب کو ایک نئے موڑ پر لا کھڑا کیا ہے۔ ایک طرف طالبان انتظامیہ نے واخان کوریڈور میں سڑک کی تکمیل کا ڈھنڈورا پیٹ کر خود انحصاری کا تاثر دینے کی کوشش کی، تو دوسری طرف ماسکو فارمیٹ کے آٹھویں اجلاس میں دہشتگردی کے ایشو پر گہرے اختلافات کے باعث ایک بار پھر مشترکہ اعلامیہ جاری کئے بغیر اجلاس ختم ہو گیا۔
4 اکتوبر 2026 کو افغان طالبان انتظامیہ نے بدخشاں کے علاقے واخان کوریڈور میں 121 کلومیٹر طویل بجری سڑک کا افتتاح کیا۔ یہ سڑک بروغل سے شروع ہو کر چین کی سرحد کے قریب واقع واخجیر پاس تک جاتی ہے۔ اس منصوبے کو تین سال میں مکمل کیا گیا جس میں مقامی وسائل، افغان انجینئرز، چار بڑے پل، 66 کلورٹ اور حفاظتی دیواریں شامل ہیں۔
طالبان حکومت نے اس پیش رفت کو ایک تاریخی کامیابی قرار دیتے ہوئے دعویٰ کیا ہے کہ اس سے افغانستان کا چین اور وسطی ایشیا کے ساتھ براہ راست زمینی رابطہ بحال ہو گیا ہے اور اب کابل کو تجارت کیلئے پاکستان یا ایران پر انحصار کرنے کی ضرورت نہیں رہی۔
تاہم، زمینی حقائق اور تکنیکی تجزئے اس دعوے کی نفی کرتے ہیں، یہ راستہ کوئی پختہ اسفالٹ موٹروے نہیں بلکہ ایک بنیادی بجری کا ٹریک ہے جو طویل مدتی اور ہیوی ٹریفک کا متحمل نہیں ہو سکتا۔ اس راستے پر تاحال بین الاقوامی معیار کے کسٹم اسٹیشنز، امیگریشن نظام، گوداموں اور لاجسٹکس کا مکمل فقدان ہے۔
یہ انتہائی بلند پہاڑی خطہ سال کے کئی ماہ شدید برف باری اور سخت سردی کی لپیٹ میں رہتا ہے، جس کی وجہ سے سال بھر مسلسل ٹریفک کی روانی ناممکن ہے۔
واخان کوریڈور کے افتتاحی ڈرامے کے برعکس بیجنگ کی طرف سے اس حوالے سے مکمل خاموشی اور بے اعتلاعی برتی گئی ہے۔ چین نے تاحال اس راستے کو کسی باضابطہ تجارتی کوریڈور کے طور پر تسلیم نہیں کیا ہے۔ اس کی بنیادی وجہ بیجنگ کی یہ واضح پالیسی ہے کہ “تجارت سے پہلے سیکیورٹی”۔ چین بخوبی جانتا ہے کہ بغیر فول پروف سیکیورٹی اور دہشتگرد نیٹ ورکس کے خاتمے کے کوئی بھی تجارتی راستہ خطرہ مول نہیں لے سکتا۔
افغان سرزمین پر موجود عسکریت پسند گروہ چین اور خطے کیلئے ایک براہ راست اور سنگین خطرہ بنے ہوئے ہیں، جن کی موجودگی کی وجہ سے بیجنگ طالبان کے کسی بھی وعدے پر بھروسہ کرنے سے قاصر ہے:
شینجیانگ صوبے کی سرحد سے متصل اس خطے میں ایغور عسکریت پسندوں کی موجودگی چین کیلئے ریڈ لائن ہے۔ اطلاعات کے مطابق سینکڑوں ایغور جنگجو نہ صرف افغانستان میں روپوش ہیں بلکہ انہیں مبینہ طور پر طالبان کے مقامی سیکیورٹی اپریٹس میں بھی پناہ ملی ہوئی ہے۔
پاکستان کے اندر سرگرم بلوچ عسکریت پسند تنظیمیں (جیسے بی ایل اے مجید بریگیڈ) بھی جنوبی اور مشرقی افغانستان کے علاقوں میں پناہ گزین ہیں۔ یہ عناصر چین کے سب سے بڑے منصوبے پاک چین اقتصادی راہداری (CPEC) اور گوادر پورٹ کو براہ راست نشانہ بناتے ہیں۔
اقوام متحدہ کی رپورٹس کے مطابق TTP کے 6,000 سے 8,000 جنگجو افغان سرزمین پر آزادانہ موجود ہیں، جبکہ القاعدہ کی قیادت بھی وہیں موجود ہے جو علاقائی اور عالمی امن کیلئے مستقل خطرہ ہے۔
واخان کوریڈور کے افتتاح کے ٹھیک ایک دن بعد، 5 اکتوبر 2026 کو ماسکو میں منعقد ہونے والا 8ویں ماسکو فارمیٹ کا مشاورتی اجلاس طالبان کے دعووں کے برعکس ان کی سفارتی تنہائی کا منہ بولتا ثبوت بن گیا۔ روس، چین، پاکستان، ایران اور وسطی ایشیائی ممالک کے اس اہم اجلاس میں افغانستان سے متعلق دہشتگردی اور TTP کی موجودگی پر شدید اختلافات ابھرے۔
پاکستانی وفد (قیادت سفیر محمد صادق) نے دوٹوک مؤقف اپنایا کہ افغانستان میں موجود دہشتگرد نیٹ ورکس اور TTP خطے کے امن کیلئے سب سے بڑا ناسور ہیں اور افغان طالبان ان کے خلاف کارروائی کرنے میں ناکام رہے ہیں۔ افغان طالبان کے وزیر خارجہ امیر خان متقی نے اس مؤقف کو مسترد کرتے ہوئے مشترکہ اعلامئے کے مسودے پر شدید اعتراض کیا، جس کے نتیجے میں یہ اجلاس بغیر کسی مشترکہ اعلامئے کے ناکام ہو گیا۔
واخان کوریڈور کی تعمیر اور طالبان کے بلند و بانگ دعوے محض سیاسی بیان بازی کی حیثیت رکھتے ہیں۔ جب تک افغان طالبان عملی طور پر ای ٹی آئی ایم (ETIM)، ٹی ٹی پی (TTP) اور بی ایل اے جیسے دہشتگرد گروہوں کے خلاف قابلِ تصدیق اور آہنی کریک ڈاؤن نہیں کرتے، اس وقت تک چین اور دیگر علاقائی ممالک کے نزدیک افغان سرزمین پر کئے جانے والے تمام وعدے بے معنی ہیں۔ چینی مفادات، سی پیک اور علاقائی سلامتی کو لاحق خطرات کی موجودگی میں بیجنگ طالبان کے کاغذی وعدوں پر کبھی بھی اندھا اعتماد نہیں کرے گا، اور اس کی پالیسی “محتاط خاموشی اور سخت سیکیورٹی جانچ” تک ہی محدود رہے گی۔
یہ بھہ ملاحظہ کیجئے: پاک افغان کشیدگی اور عسکری محاذ آرائی (اکتوبر 2025 تا اکتوبر 2026): عسکری کارروائیاں، معاشی بحران، سفارتی تعطل اور اطلاعاتی جنگ کی جامع تحقیقی رپورٹ
Wakhan Corridor Claims vs. Ground Realities: The Taliban administration inaugurated a 121-kilometer gravel road in the Wakhan Corridor, promoting it as a direct trade route to China to reduce reliance on Pakistan and Iran. However, technical and ground realities show it is merely an unpaved track lacking international customs, immigration, warehousing, and all-weather infrastructure to withstand severe winter snow.
Beijing’s Strategic Concerns & Lack of Trust: Guided by a “Security First, Trade Later” policy, China maintains official silence on the road. Beijing cannot trust Taliban assurances due to major unaddressed security threats, including ETIM/TIP militants near the Xinjiang border, BLA elements threatening CPEC and Gwadar Port, and thousands of TTP and Al-Qaeda fighters operating freely in Afghanistan.
Moscow Format Diplomatic Stalemate: The 8th Moscow Format consultative meeting concluded without issuing a joint communique due to sharp disagreements. The Pakistani delegation emphasized that Afghan-backed cross-border terrorism and the TTP are primary regional threats, which the Taliban rejected.
Conclusion: The Taliban’s claims remain largely political posturing. Without verifiable, uncompromising crackdowns on militant networks like ETIM, TTP, and BLA, Beijing and regional nations will not endorse unverified commercial corridors, keeping China’s approach strictly focused on security vigilance.
