پشاور (دی خیبر ٹائمز ویب ڈیسک): ٹرمپ انتظامیہ نے اقوام متحدہ کی جنرل اسمبلی کے 81 ویں اجلاس میں شرکت کے لیے ایرانی صدر مسعود پزشکیان اور وزیر خارجہ عباس عراقچی سمیت دیگر اعلیٰ ایرانی حکام کو امریکی ویزے جاری کر دئے ہیں۔ تاہم دوسری جانب امریکا نے فلسطینی صدر محمود عباس کو جنرل اسمبلی اجلاس میں شرکت کیلئے ویزا دینے سے انکار کر دیا ہے۔
ایرانی وفد پر سفری پابندیاں
امریکی ٹی وی نے محکمہ خارجہ کے ترجمان کے حوالے سے بتایا ہے کہ نیویارک میں منعقد ہونے والے اس اعلیٰ سطحی اجلاس کیلئے ایرانی صدر، ان کے وزیر خارجہ اور ضروری عملے پر مشتمل وفد کا ویزا منظور کر لیا گیا ہے۔ تاہم، امریکی حکام کا کہنا ہے کہ گزشتہ سال کی نسبت اس بار ایرانی وفد میں شامل اراکین کی تعداد کافی کم رکھی گئی ہے۔
امریکی محکمہ خارجہ کے اہلکار نے اپنے بیان میں کہا کہ امریکا نے اقوام متحدہ کے میزبان ملک کے طور پر اپنی بین الاقوامی ذمہ داریاں نبھائی ہیں، تاکہ ایرانی حکام جنرل اسمبلی کے اعلیٰ سطحی ہفتے میں شرکت کر سکیں۔ انہوں نے واضح کیا کہ یہ دورہ سخت سفری پابندیوں کے تحت ہوگا اور ایرانی حکام پر نیویارک میں نقل و حرکت کے حوالے سے مخصوص حدود لاگو ہوں گی۔
ایک طرف جہاں ایرانی حکام کو شرطیہ ویزے جاری کئے گئے ہیں، وہیں دوسری جانب امریکا نے فلسطینی صدر محمود عباس کو اقوام متحدہ کی جنرل اسمبلی کے اس اہم اجلاس میں شرکت کیلئے ویزا دینے سے صاف انکار کر دیا ہے، جس سے سفارتی حلقوں میں نیا تنازع کھڑا ہونے کا خدشہ ہے۔
اقوام متحدہ کی 81 ویں جنرل اسمبلی کا سالانہ اجلاس جمعہ سے نیویارک میں شروع ہو رہا ہے جو 28 ستمبر تک جاری رہے گا۔ اس اجلاس میں دنیا بھر سے سربراہان مملکت و حکومت عالمی و علاقائی صورتحال اور سیکیورٹی چیلنجز پر اپنے خیالات کا اظہار کریں گے۔
-
Visas Issued for Iranian Leadership: The Trump administration has approved U.S. visas for Iranian President Masoud Pezeshkian and Foreign Minister Abbas Araghchi, alongside essential staff, to attend the 81st Session of the United Nations General Assembly (UNGA) in New York.
-
Travel Restrictions & Reduced Delegation: A U.S. State Department official confirmed that host country obligations have been fulfilled, though the Iranian delegation’s size has been reduced compared to last year and delegates will be subject to strict movement restrictions while in New York.
-
Palestinian President Denied Entry: In a contrasting move, the U.S. government denied a visa to Palestinian President Mahmoud Abbas, preventing his attendance at the summit.
-
UNGA Schedule: The high-level week of the 81st UN General Assembly session takes place in New York through September 28.
