پشاور/ دی خیبر ٹائمز رپورٹ
خیبر پختونخوا کی سیاست اور آئینی و قانونی توازن کے حوالے سے 19 نومبر 2026ء کو جاری ہونے والا وفاقی/سدارتی آرڈیننس ایک نمایاں پیش رفت کے طور پر سامنے آیا ہے۔ اس اقدام کے ذریعے اپریل 2026ء میں منظور کئے گئے “خیبر پختونخوا پروینشل اسمبلی پاورز، امیونٹیز اینڈ پریولیجز ایکٹ 2026ء” کے تحت دئے گئے 40 مراعات و اختیارات میں سے 27 کو ختم کر دیا گیا ہے۔ اگر یہ آرڈیننس ایوان سے منظوری کے بعد مستقل قانون کی شکل اختیار کرتا ہے تو یہ نہ صرف صوبائی اسمبلی کے اراکین (MPAs) اور اسپیکر کے اختیارات کو محدود کرے گا بلکہ وفاق اور صوبے کے درمیان اختیار و اثر کے توازن پر بھی براہِ راست اثرات مرتب کرے گا۔
اس آرڈیننس کا سب سے نمایاں سیاسی و قانونی پہلو اراکینِ اسمبلی کی گرفتاری اور حراست سے متعلق شقوں میں تبدیلی ہے۔ نئے حکم نامے کے بعد کسی ایم پی اے کی گرفتاری سے قبل اسپیکر سے اجازت لینے کی شرط ختم ہو گئی ہے، اور اسپیکر اب گرفتاری کے حوالے سے رپورٹ طلب کرنے یا انکوائری کرانے کا اختیار بھی نہیں رکھیں گے۔ اس کے ساتھ ہی احتیاطی یا حفاظتی نظر بندی سے ملنے والا تحفظ بھی ختم کر دیا گیا ہے، جس کے نتیجے میں وزیر اعلیٰ، اسپیکر یا دیگر اراکین کو حفاظتی تحویل یا نظر بندی میں رکھنا قانونی دائرے میں آ گیا ہے۔ مزید برآں، گرفتار رکن کی جانب سے ذاتی مچلکے جمع کرا کے اسمبلی یا کمیٹی کے اجلاس میں شرکت کی سہولت اور اسمبلی یا کمیٹی میں پیش کردہ بل، قرارداد، تحریک یا سوال پر سول یا فوجداری کارروائی سے حاصل تحفظ بھی ختم کر دیا گیا ہے۔
سیاسی اور انتظامی سطح پر اراکینِ اسمبلی کا ایک بڑا اثر ان اختیارات سے جڑا ہوتا تھا جو انہیں سرکاری اداروں اور ترقیاتی عمل کے حوالے سے حاصل تھے۔ نئے آرڈیننس کے تحت ایم پی اے یا وزیر کے پاس سرکاری، نیم سرکاری، خود مختار اداروں یا بورڈز کے اجلاس چیئر کرنے کا اختیار ختم کر دیا گیا ہے۔ اسی طرح ترقیاتی منصوبوں، سرکاری دفاتر، اسپتالوں، تعلیمی اداروں یا فنڈز کے معائنے کا اختیار بھی واپس لے لیا گیا ہے۔ اس کے علاوہ کیٹیگری اے تک کی سکیورٹی اور ملک بھر میں اس کے ساتھ سفر کی سہولت کے ساتھ ساتھ ذاتی گاڑی پر “MPA” کی تختی لگانے اور سیاہ شیشوں والی گاڑی کے استعمال کی مراعات بھی ختم ہو چکی ہیں۔
اس آرڈیننس نے اسمبلی کے اندر نظم و ضبط اور توہین یا خلاف ورزی پر کارروائی کے ڈھانچے کو بھی تبدیل کر دیا ہے۔ جسٹس آف پیس اور سزاؤں سے متعلق اختیارات کے خاتمے کے ساتھ ساتھ عدم حاضری پر افراد کو طلب کرنے یا وارنٹ گرفتاری جاری کرنے، اجلاس یا کمیٹی کی کارروائی میں رکاوٹ یا توہین پر سارجنٹ ایٹ آرمز یا پولیس کے ذریعے گرفتاری، جوڈیشل کمیٹی کے ذریعے سزاؤں پر عملدرآمد، 30 دن کی اپیل اور نیک نیتی کے تحفظ کی شقیں بھی ختم کر دی گئی ہیں۔ اس کے علاوہ قانون میں “اجنبی” کی تعریف اور اسمبلی ہال یا حدود میں داخلے و اخراج سے متعلق شقوں میں تبدیلی آئی ہے، جبکہ غلط خبر چلانے پر صحافی کا داخلہ روکنے یا نکالنے اور سرکاری اشاعت سے قبل رپورٹ شائع کرنے پر کارروائی کی شقیں بھی ختم کر دی گئی ہیں۔
یہ پیش رفت خیبر پختونخوا کی سیاسی فضا میں کئی اہم سوالات کو جنم دیتی ہے۔ ایک طرف یہ بحث اہم ہے کہ اگر ان مراعات و اختیارات میں کٹوتی کو اصلاح یا شفافیت کے تناظر میں دیکھا جائے تو یہ اقدام صرف خیبر پختونخوا اسمبلی تک ہی کیوں محدود ہے۔ دوسری طرف، اپریل 2026ء میں ان اختیارات کو وسعت دینے کے باوجود عملی نفاذ میں درپیش مشکلات اور سیاسی ردعمل کا معاملہ بھی زیرِ بحث ہے، جس کے حوالے سے اسپیکر بابر سلیم سواتی اور وزیر اعلیٰ سہیل آفریدی کے مؤقف کو کلیدی اہمیت حاصل ہے۔ مجموعی طور پر، یہ آرڈیننس صوبائی قانون سازی، پارلیمانی استحقاق اور وفاقی و صوبائی اختیارات کے درمیان کشمکش کے ایک نئے باب کی نشاندہی کرتا ہے۔
یہ بھی ملاحظہ کیجئے : خیبرپختونخوا مائنز اینڈ منرلز ایکٹ 2025: 18ویں ترمیم پر حملہ یا قدرتی وسائل پر وفاقی تسلط؟
Summary
A federal/presidential ordinance issued on November 19, 2026, repeals 27 of the 40 privileges and powers granted under the Khyber Pakhtunkhwa Provincial Assembly Powers, Immunities and Privileges Act of April 2026. If approved by the house and made permanent, the ordinance curtails the powers of Members of the Provincial Assembly (MPAs) and the Speaker while shifting the balance of authority between the federation and the province.
Key changes under the ordinance remove the requirement for the Speaker’s prior permission before arresting an MPA, eliminate the Speaker’s authority to seek reports or inquiries on arrests, and end protections against preventive or protective detention making protective custody or detention of the Chief Minister, Speaker, or other members legally permissible. It also revokes provisions allowing detained members to attend assembly or committee sessions on personal surety and removes civil or criminal immunity over bills, resolutions, motions, or questions raised in the assembly or committees.
Administratively and on protocol, MPAs and ministers lose the power to chair meetings of government, semi-government, autonomous bodies, or boards, as well as authority to inspect development projects, government offices, hospitals, educational institutions, or funds. Category A security and nationwide travel privileges with it are ended, alongside personal vehicle “MPA” plates and tinted-window vehicle privileges. Within the assembly, Justice of the Peace and punishment powers, summons and arrest warrants for non-attendance, arrests via Sergeant-at-Arms or police for breach or contempt, judicial committee enforcement of penalties, 30-day appeal provisions, and good-faith immunities are repealed, while rules on “strangers,” entry and exit, barring or removing journalists over false news, and penalizing publication of reports prior to official release are also removed. The move raises questions over why the curtailment applies specifically to the Khyber Pakhtunkhwa Assembly and highlights tensions around enforcement and political responses involving Speaker Babar Saleem Swati and Chief Minister Sohail Afridi.
About Author:
Nasir Dawar is a senior journalist, researcher, and founder/editor of The Khyber Times with over 20 years of experience covering regional security, geopolitics, militancy, counter-terrorism, and international affairs across Pakistan, Afghanistan, and the broader region. He also serves as a Researcher at the Center for Research and Security Studies (CRSS) in Islamabad, focusing on policy analysis and transregional dynamics.
Contact: dawarjan@gmail.com




