میرانشاہ ( دی خیبرٹائمز ڈسٹرکٹ ڈیسک ) پیرامیڈیکس شمالی وزیرستان کا جرگہ ہال میرانشاہ میں حلف برداری کا پروقار تقریب منعقد ہوا، ڈپٹی کمشنر شاھد علی خان تقریب کے مہمان خصوصی تھے۔ تقریب میں اے ڈی سی دولت خان کے علاوہ قبائلی عمائدین اور پیرامیڈکس کے اہلکاروں نے کثیر تعداد میں شرکت کی ۔ ڈپٹی کمشنر شاھد علی خان نے منتخب کابینہ آراکین سے حلف لیا. پیرامیڈکس کے انتخاب گزشتہ روز ڈی ایچ کیو ھسپتال میں منعقد ھوئے تھے۔ جس میں ملک جلال الدین درپہ خیل بھاری اکثریت سے صدر منتخب ھو کر بمع اپنے پینل کامیاب ھوگئے۔ ڈپٹی کمشنر شممالی وزیرستان نے سپاسنامے میں پیش کئے گئے پیرا میڈکس کے کچھ مسائل موقع پر حل کرنے کی احکامات جاری کئے۔
تقریب کے دوران ڈی سی شاہد علی خان کا کہنا تھا، کہ ضلعی انتظامیہ اور پیرامیڈیکل سٹاف عوام کو بہترین خدمات فراہم کرنے کیلئے بھر پور کوشش کریں ۔ تقریب کے آخر میں ملک گل صالح جان نے ڈی سی اور اے ڈی سی کے علاوہ تمام آئے ھوئے مہمانوں کا شکریہ آدا کیا۔
