پشاور( پریس رلیز ) خیبر پختونخوا کے جنوبی ضلع بنوں سے پولیو کا ایک اور کیس سامنے آ گیا ہے، جس کے بعد رواں سال 2026 میں پاکستان بھر میں رپورٹ ہونے والے پولیو کیسز کی مجموعی تعداد 4 ہو گئی ہے۔ قومی ایمرجنسی آپریشنز سینٹر برائے انسدادِ پولیو (NEOC) نے نئے کیس کی باقاعدہ تصدیق کر دی ہے۔
این ای او سی کے مطابق متاثرہ بچہ ضلع بنوں کی تحصیل میریان کی یونین کونسل ‘نورار’ سے تعلق رکھتا ہے۔ رپورٹ میں بتایا گیا ہے کہ علاقے میں سیکیورٹی کی ابتر صورتحال اور بدامنی کے باعث 2025 سے پولیو ٹیموں کی باقاعدہ اور مسلسل رسائی ممکن نہیں ہو سکی تھی، جس کے نتیجے میں بچے وائرس سے بچاؤ کے بنیادی قطرے پینے سے محروم رہے۔
رواں سال سامنے آنے والے 4 میں سے 3 کیسز کا تعلق بنوں ڈویژن سے ہے، جہاں سیکیورٹی خدشات کے باعث ویکسینیشن کی کوریج شدید متاثر ہوئی ہے اور وائلڈ پولیو وائرس کی گردش برقرار ہے۔
پاکستان نے مؤثر اور محفوظ ویکسین کے استعمال سے پولیو کیسز میں 99.8 فیصد تک نمایاں کمی حاصل کی ہے۔ 1990 کی دہائی کے اوائل میں جہاں سالانہ تخمینہ 20,000 کیسز کا تھا، وہیں 2025 میں یہ تعداد کم ہو کر 31 رہ گئی تھی، جبکہ 2026 میں اب تک مجموعی طور پر 4 کیسز سامنے آئے ہیں۔ ملک کے دیگر حصوں میں وائرس کا پھیلاؤ کم ہوا ہے، تاہم جنوبی خیبر پختونخوا میں اس کا تسلسل برقرار ہے۔
حکومتِ پاکستان نے والدین اور سرپرستوں پر زور دیا ہے کہ وہ 21 سے 27 ستمبر 2026 تک شروع ہونے والی گھر گھر پولیو مہم کے دوران اپنے تمام پانچ سال تک کے بچوں کو لازمی قطرے پلائیں۔ اس سات روزه مہم میں جنوبی خیبر پختونخوا سمیت ملک بھر کے تقریباً 3 کروڑ 10 لاکھ بچوں کو قطرے پلانے کا ہدف مقرر کیا گیا ہے۔
اعداد و شمار کے مطابق رواں سال میں اب تک 3 بڑی پولیو مہمات کے ذریعے 4 کروڑ 50 لاکھ سے زائد بچوں کو کثیر الاوقات ویکسین دی جا چکی ہے۔
پولیو ایک نا قابلِ علاج اور مہلک بیماری ہے جو عمر بھر کی معذوری یا موت کا سبب بن سکتی ہے۔ یہ ویکسین مکمل طور پر محفوظ ہے اور تمام مسلم ممالک سمیت دنیا کے 195 ممالک میں کامیابی کے ساتھ استعمال کی جا رہی ہے۔ این ای او سی نے مذہبی رہنماؤں، سول سوسائٹی اور میڈیا سے اپیل کی ہے کہ وہ افواہوں اور گمراہ کن معلومات کے سدِباب کیلئے اپنا کردار ادا کریں تاکہ پاکستان کو پولیو سے پاک بنایا جا
سکے۔
EXCLUSIVE SUMMARY: Pakistan Reports 4th Polio Case of 2026 in Bannu District
* Fourth Case Confirmed: The National Emergency Operations Center (NEOC) confirmed Pakistan’s fourth polio case of 2026 in Nurar Union Council, Tehsil Miryan of Bannu District, southern Khyber Pakhtunkhwa.
* Security & Access Constraints: Insecurity since 2025 has prevented vaccination teams from consistently reaching children in Tehsil Miryan. Bannu Division accounts for three of the four nationwide cases in 2026 due to ongoing access limitations.
* Upcoming Vaccination Drive: A national door-to-door campaign is scheduled from September 21 to 27, 2026, targeting nearly 31 million children, including those in high-risk zones across southern KP.
* Transmission Trends: Pakistan has reduced polio cases by 99.8% since the 1990s—down from an estimated 20,000 annual cases to 31 in 2025 and 4 so far in 2026. While transmission has declined overall, southern KP remains a persistent virus hotbed.
* Call to Action: The government urges parents, religious leaders, and community members to ensure all children under five receive oral polio drops during the upcoming drive to prevent lifelong paralysis.
Nasir Dawar: EdiTor; The Khyber Times & Researcher. Contact: dawarjan@gmail.com
