میرعلی ( دی خیبرٹائمز ڈسٹرکٹ ڈیسک ) شمالی وزیرستان میں ٹارگٹ کلنگ کے ایک اور واقعے میں میرعلی کے حیدرخیل گاؤں میں ایک مقامی شخص کو نامعلوم افراد نے ٹارگٹ کرکے قتل کردیا۔قاتل بحفاظت فرار ہونے میں کامیاب ہوگئے۔ مقامی ذرائع سے موصول ہونے والی اطلاعات کے مطابق جمعرات کی شام محمد یٰسین نامی حیدرخیل کا رہائشی شام کو اپنے گھر جارہا تھا، جب راستے میں موٹر سائیکل پر سوار مسلح افراد نے ان پر اندھا دھند فائرنگ کی جس سے یٰسین نامی شخص موقع پر جاں بحق ہوئے۔ واردات کے بعد قاتل فرار ہونے میں حسب معمول کامیاب ہوئے۔ پولیس نے واقعہ کی رپورٹ درج کرلی ہے۔
