پشاور( دی خیبر ٹائمز پولیٹیکل ڈیسک ) پشاور میں اعلی سطح اجلاس کے بعد مشترکہ پریس کانفرنس سے خطاب کرتے ہوئے وفاقی وزیر اسد عمر اور وزیراعلی خیبرپختونخوا محمود خان کا کہنا تھا کہ کورونا وبا کے حوالے سے خیبر پختوخوا کو بہت زیادہ چیلنجز درپیش تھےوفاقی وزیر اسد عمر کا کہنا تھا کورونا وبا کے پھیلاؤ کو روکنے کے لئے خیبرپختونخوا حکومت کے اقدامات لائق تحسین ہیں، وزیر اعلی محمود خان نے کورونا سے متعلق تمام امور خود لیڈ کیا ہے، کورونا کے سلسلے میں وزیر صحت تیمور سلیم جھگڑا اور چیف سیکریٹری نے فرنٹ لائن پر کام کیا ہے،صوبائی حکومت کے موثر اور بروقت اقدامات کی وجہ سے صوبے میں کورونا کیسز میں واضح کمی ائی ہے، لیکن وبا کا خطرہ ابھی بدستور موجود ہے اس لیے احتیاط بہت ضروری ہے،عوام سے پر زور اپیل ہے کہ عید الاضحٰی سادگی سے منائیں، پورے خطے میں کورونا کے حوالے سے پاکستان کی صورتحال حوصلہ افزا ہے، وزیراعلی محمود خان کا اس موقع پر کہنا تھا حکومت جو بھی اقدامات اٹھا رہی ہے وہ عوام کی جانوں کو محفوظ کرنے کے لئے ہیں،عید الاضحٰی کے موقع پر وبا پھیلنے کے خدشات ہیں عوام احتیاط کریں، عوام عید سادگی سے اور اپنے گھروں پر منائیں،اس عید پر کورونا سے شہید ہونے والوں کو خصوصی طور پر یاد کیا جائے، عید کے موقع پر ایس او پیز پر عملدرآمد کو یقینی بنایا جائے، و
محمود خان کا کہنا تھا کہ میں نے خود بھی عید سادگی سے منانے کا فیصلہ کیا ہے اور اپنے کابینہ ممبران کو بھی عید سادگی سے منانے کی ہدایت کی ہے، عید کے موقع پر شہری سیاحتی مقامات کی طرف نہ جائیں،عید کے بعد سیاحتی مقامات کو کھولنے کے لئے این سی سی کے اجلاس میں مشاورت کی جائے گی ۔
