پاراچنار ( دی خیبرٹائمز ڈسٹرکٹ ڈیسک ) وسطی کرم میں منتوال اور علی شیر زئی قبائل کے مابین زمین کے تنازعے پر جھڑپ میں ایک شخص ہلاک پانچ زخمی ہوگئے۔
پولیس ذرائع کے مطابق وسطی کرم کے علاقے تیندو اور گواکی میں علی شیر زئی اور مناتوال قبائل کے مابین گذشتہ شام سے فائرنگ کا سلسلہ جاری ہے جس میں خودکار ہتھیاروں کا استعمال کیا جارہا ہے جھڑپ میں اب تک ایک شخص جاں بحق پانچ زخمی ہوگئے ہیں جبکہ دونوں جانب سے فائرنگ کا سلسلہ جاری ہے ضلعی انتظامیہ کا کہنا ہے کہ جھڑپیں روکوانے کیلئے مذاکرات کا سلسلہ جاری ہے علاقے کے لوگوں کا کہنا ہے کہ گزشتہ کئی سالوں سے جائیداد کے تنازعے پر مناتوال اور علی شیر زئی قبائل کے مابین تنازعے پر بار بار جھڑپیں ہورہی ہیں انہوں نے مطالبہ کیا کہ مسلے کے حل کے لئے انتظامیہ موثر اقدامات اٹھائیں علاقے کے لوگوں نے یہ بھی مطالبہ کیا کہ علی شیر زئی اور مناتوال قبائل کے مسلے سمیت ضلع بھر کے کے مختلف علاقوں میں جائیداد کے تنازعات کے حل کیلئے خصوصی کمیٹی تشکیل دی جائے اور جائیداد کے تنازعوں کی جلد حل کیلئے اقدامات اٹھائیں شہریوں کا کہنا ہے کہ جائیداد کے تنازعات کے جھڑپوں کے نتیجے میں درجنوں بے گناہ افراد قتل ہوتے ہیں اگر حکومت کی جانب سے ان مسائل کے حل کیلئے موثر اقدامات اٹھائے جائیں تو آئے روز جھڑپوں کا سلسلہ بند ہوسکتا ہے
