میرعلی ( دی خیبرٹائمز ڈسٹرکٹ ڈیسک ) شمالی وزیرستان کے تحصیل میرعلی میں پولیس ذرائع کے مطابق سادہ لباس میں ملبوس پولیس اہلکاروں کی گاڑی پر نامعلوم افراد کی فائرنگ سے ایک راہگیر جاں بحق جبکہ چار پولیس اہلکار زخمی ہوگئے ہیں۔ سرکاری ذرائع کے مطابق پیر کے روز چاروں پولیس اہلکار ایک سٹیٹ کار میں رات کے کھانے کے پروگرام میں شرکت کیلئے جارہے تھے کہ عیدک کے علاقے شہباز کوٹ کے قریب ان پر حملہ ہوا جس میں چاروں اہلکار زخمی ہوئے۔ زخمی ہونے والوں میں امجدعلی سوات، فرمان علی سوات، افراسیاب، نذر نارتھ وزیرستان جبکہ فائرنگ کی زد میں آنے والے راہ گیر کا نام معلوم نہیں ہوسکا۔ زخمی اہلکاروں کو قریبی تحصیل ہیڈکوارٹر میرعلی منتقل کردیا۔
