پاراچنار ( دی خیبرٹائمز ڈسٹرکٹ ڈیسک ) قبائلی ضلع کرم میں پرائیویٹ تعلیمی اداروں کے سربراہان نے کہا ہے، کہ کورونا لاک ڈاؤن کی وجہ سے پرائیویٹ تعلیمی ادارے شدید طور پر متاثر ہوگئے ہیں، حکومت ان اداروں کو خدمات جاری رکھنے اور طلبہ کو فیسوں میں ذیادہ سے ذیادہ ڈسکاؤنٹ دینے کیلئے مراعاتی پیکج دیا جائے۔
پاراچنار میں پرائیویٹ سکولز کے پرنسپلز اور سربراہان کے ہمراہ مشترکہ پریس کانفرنس سے خطاب کرتے ہوئے پرائیویٹ سکولز ایسوسی ایشن کے چیئرمین سید شعبان علی ، صدر پرائیویٹ سکولز منیجمنٹ ایسوسی ایشن ماہر حسن ، سر زاہد حسین اور دیگر رہنماؤں نے کہا کہ کورونا وائرس کی وجہ سے پرائیویٹ تعلیمی ادارے تاریخ کے بدترین دور سے گزر رہے ہیں اس لئے ان اداروں کو خدمات جاری رکھنے کیلئے مراعاتی پیکج منظور کیا جائے تاکہ طلبہ کیساتھ فیسوں میں زیادہ سے زیادہ ڈسکاؤنٹ دیا جاسکے رہنماؤں نے کہا کہ ریگولیٹری اتھارٹی اور حکومت نے فیسوں کے حوالے سے ڈسکاؤنٹ دینے کا جو فیصلہ کیا ہے اس پر بھر پور عمل ہو رہا ہے اور فیسوں کی معافی یا ڈسکاؤنٹ کا مسلہ مقامی نہیں بلکہ ملکی سطح کا ہے اور ملکی سطح پر جو بھی فیصلہ ہوا ہم اس پر عمل کریں گے رہنماؤں نے کہا کہ پاراچنار میں بعض عناصر نے طلبہ کو فیس معافی کیلئے احتجاج پر اکسایا جو کہ انتہائیں افسوسناک ہے اور متعلقہ حکام اس حوالے سے تحقیقات کرکے اقدامات اٹھائے
