پشاور (دی خیبر ٹائمز پولیٹیکل ڈیسک ) وزیراعلیٰ خیبر پختونخوا نے کورونا وائر سے شہید ہونے والے ڈاکٹرز اورنگزیب اور ڈااکٹر اعظم کے درجات کی بلندی اور غمزدہ خاندانوں کے لئے صبر جمیل کی دعا کی، اور غمزدہ خاندانوں سے دلی ہمدردی کا اظہارکیا، وزیراعلیٰ کا کہنا تھا، کہ غمزدہ خاندان کے غم میں برابر کے شریک ہیں، شہدا کے اہل خانہ کی ہر ممکن مدد کی جائے گی، کورونا مریضوں کے علاج معالجے کےلئے ڈاکٹروں کی خدمات قابل ستائش ہیں، ڈاکٹرز اپنی جانیں خطرے میں ڈال کر دوسروں کی جانیں بچانے میں مصروف ہیں، حکومت طبی عملے کی خدمات اور قربانیوں کو قدر کی نگاہ سے دیکھتی ہیں، فرنٹ لائن پر خدمات انجام دینے والے طبی عملے کے جذبوں کو سلام پیش کرتا ہوں، وزیراعلیٰ محمود خان کہتے ہیں، کہ اس مشکل صورتحال میں طبی عملے کی گرانقدر خدمات کو ہمیشہ یاد رکھا جائے گا۔
