وانا ( دی خیبرٹائمز ڈسٹرکٹ ڈیسک) جنوبی وزیرستان وانا سے عینی شاہدین کے مطابق شاہ زیب اور اس کا ساتھی شمس اپنے کلینک سے وانا ہیڈکواٹر ہسپتال جا رہے تھے، کہ مخالف سمت سے انیوالے 2 موٹر سائیکل سوار نقاب پوش مسلح افراد نے ان پر فائرنگ کردی، فائرنگ کے نتیجہ میں ڈیرا اسماعیل خان سے تعلق رکھنے والے شاہ زیب ولد ظفر موقع پر جان بحق ہوگئے ہیں، جبکہ ان کا ساتھی شمس ولد سید رسول گنگی خیل وزیرزخمی ہوگئے، شمس کو زخمی حالت میں مقامی قبائلیوں کو زخمی حالت میں ہیڈکوارٹر ہسپتال وانا پہنچا دیا،
شاہ زیب ریٹائرڈ لیڈی ہیلتھ ورکر آمنہ کا بیٹا ہے، جو کہ عرصہ سے وانا میں رہائش پذیر ہے، آمنہ الخدمت ہسپتال وانا میں ڈیوٹی دے رہی ہے، جبکہ ان کا بیٹا شاہ زیب وانا اعظم ورسک روڈ پر گنگی خیل اسٹاپ پر ایک میڈیکل اسٹور پر پچھلے دو سال سے خدمات انجام دے رہے تھے، جانبحق ہونے والے شاہ زیب کی والدہ آمنہ نے بتایا ہے، کہ کئی دنوں سے ان کو دھمکیاں مل رہی تھی۔ واقعہ کے بعد وانا سٹی تھانہ پولیس کی بھاری نفری موقع پر پہنچ کر واقعہ کیرپورٹ درج کرکے واقعہ کی تحقیقات شروع کردی۔
