مہمند۔ تحصیل صافی مامدگٹ کے مقام پر جاری صافی امن کرکٹ ٹورنامنٹ اختتام پذیر ہوگیا۔ فائنل میچ میں مسعود ٹائیگرز نے شینواری گلیڈی ائٹرکو شکست دیکر جیت اپنے نام کرلیا، صافی امن ٹورنامنٹ ایک ہفتہ جاری رہا جن میں علاقے کی 6 ٹیموں نے حصہ لیا۔ ٹورنامنٹ کی آرگنائزر ارشادصافی، بسم اللہ، رحمت اللہ اور تاج صافی جبکہ علاقے کی مختلف اہم شخصیات ملک عبدالحلیم، ملک آیازباچا، ڈاکٹراسرار ، ملک ابراھیم ، ملک فردوس، نوراسلام صافی ، حاجی زرخان صافی ودیگر ٹیموں کے سپانسرز تھے۔ ٹورنامنٹ کی ونر ٹیم کو 125 سی سی اور رنرآپ ٹیم کو 70سی سی موٹر سائیکلوں کی چابیاں جبکہ ٹورنامنٹ کی بہترین کھلاڑیوں میں نقد انعامات تقسیم کئے، فائنل میچ میں سینکڑوں شائقین سمیت علاقے اہم شخصیات نے شرکت کی۔صافی امن کرکٹ ٹورنامنٹ کے حوالے سے ٹورنامنٹ کی آرگنائزر ارشادصافی سمیت علاقے کے مختلف افراد نے اپنے خیالات اظہار میں بتایا کہ مذکورہ سرگرمی ایک تفریحی عمل کیساتھ باصلاحیت کھلاڑیوں کو اپنے صلاحیت دکھانے کا سنہری موقع ملا تھا ۔ جس میں علاقے کے کھلاڑیوں نے بھرپور حصہ لیا۔ جہاں سے بہترین کھلاڑی اپنے صلاحیت کی بنأ پر اپنا اور علاقے کا نام روشن کرسکتے ہیں۔ ٹورنامنٹ میں ملک فردوس قنداری الیون جبکہ نوراسلام صافی شینواری گلیڈی ائٹر ٹیم کی سپانسر تھے۔
