پشاور ( دی خیبر ٹائمز ایجوکیشن ڈیسک ) اقوام متحدہ کے ترقیاتی پروگرام (یو این ڈی پی) اور وزارت موسمیاتی تبدیلی (ایم او سی سی) حکومت پاکستان کے زیر اہتمام پشاور یونیورسٹی کے ساتھ شراکت میں جی ای بی GEB پروجیکٹ کے ذریعے ” ای آئی ایم ایس کیلئے انفوگرافکس کے کردار” کے عنوان سے ایک تربیتی پروگرام کا انعقاد کیا گیا ۔ڈاکٹر جنجوعہ نے باضابطہ طور پر تربیتی پروگرام کا افتتاح کیا .. اپنے خطاب میں انہوں نے ملک میں ماحولیاتی انفارمیشن اینڈ مینجمنٹ سسٹم کی اہمیت پر روشنی ڈالی اور اس سلسلے میں وزارت موسمیاتی تبدیلی اور اقوام متحدہ کی کاوشوں کو سراہا۔ وزارت موسمیاتی تبدیلی کے جوائنٹ سیکریٹری ڈیویلپمنٹ، (ایم او سی سی) اور جی ای بی، یو این ڈی پی کے نیشنل پروجیکٹ ڈائریکٹر (این پی ڈی) ندیم احمد ملک نے بھی اس موضوع پر تربیت کے انعقاد پر جی ای بی پروجیکٹ کی کاوشوں کو سراہتے ہوئے کہا کہ پاکستان کے ماحولیاتی استحکام کیلئے انفارمیشن مینجمنٹ سسٹم (EIMS) بہت ضروری ہے۔ اس تربیتی پروگرام کے دوران پروفیسر ڈاکٹر محمد نفیس ، شعبہ ماحولیات سائنس پشاور یونیورسٹی نے “ای آئی ایم ایس کیلئے انفوگرافکس کے کردار ” کے موضوع پر روشنی ڈالی مختلف محکموں اور تنظیموں کے اسٹیک ہولڈرز اور شر کاء نے متفقہ طور پر پاکستان کیلئے ماحولیاتی انفارمیشن مینجمنٹ سسٹم کی ضرورت پر زور دیتے ہوئے جی ای بی جیسے ترقیاتی منصوبوں کو اہم قرار دیا۔ اس بات پر بھی اتفاق کیا گیا کہ تمام سرکاری محکمے اور اسٹیک ہولڈرز اہم مسائل کو حل کرنے اور پاکستان کے ماحولیات کے تحفظ کیلئے مربوط انداز میں اپنا کردار ادا کرینگے۔
