پشاور ( دی خیبرٹائمز کرائمز ڈیسک ) سمیع اللہ کاشف شہید نے اپنی آخری کاروائی میں 37000 گرام (37 کلو) ہیروئن کی سمگلنگ کی کوشش ناکام بناتے ہوئے جام شہادت نوش کر گئے، فرار تین ملزمان/ سمگلروں میں سے ایک ملزم کی لاش برآمد کرلی گئی، فرار شدہ 2 مزید زخمی ملزمان کی تلاش کیلئے سرچ آپریشن جاری، جلد گرفتاری متوقع
منشیات سمگلروں کے تعاقب میں سمگلروں کا حملہ، سمگلروں کی گاڑی کی ٹکر سے ایکسائز انٹیلجنس کی گاڑی روڈ سے گہری کھائی میں گر کر تباہ
تھوڑے فاصلے پر سمگلروں کی گاڑی بھی اور سسپیڈنگ کی وجہ سے بے قابو ہو کر روڈ سے گہری کھائی میں گر کر ایکسیڈنٹ کا شکار
اپکسائزپولیسزرائع کے مطابق سید نوید جمال پراوینشل انچارج ایکسائز اینٹیلیجنس بیورو کو خفیہ زرائع سے اطلاع ملی کہ کرولا گاڑی نمبری LEH 07 5749 میں کوئٹہ سے منشیات براستہ کوہاٹ، باڑہ ضلع خیبر سمگل کی جارہی ہے جس کی بعد ازاں پشاور کے تعلیمی اداروں میں ترسیل کی جائیگی ، اطلاع پر کاروائی کیلئے متعلقہ سکواڈ EIB-1 کے انچارج انسپکٹر زرجان خان اور ایڈیشنل انچارج سمیع اللہ کاشف بمعہ عارف خان کانسٹیبل اور حامد خان ڈرائیور کو کاروائی حکم دیا گیا،
مزکورہ ٹیم نے ارباپ ٹاپو کوہاٹ پشاور روڈ پر دوران ناکہ بندی مزکورہ گاڑی کو آتے دیکھ کر رکھنے کا اشارہ دیا، لیکن ڈرائیور نے ناکہ توڑتے ہوئے گاڑی کی اسپیڈ مزید تیز کردی، جس کی تعاقب انچارج انسپکٹر زرجان خان بمعہ کانسٹیبل عارف خان نے ایک سرکاری گاڑی اور سمیع اللہ کاشف ایڈیشنل انچارج و حامد خان ڈرائیور نے دوسری گاڑی میں شروع کیا،
انچارج انسپکٹر زرجان خان کے مطابق مخبر شدہ گاڑی میں 3 سمگلر موجود تھے،
تعاقب کے دوران سمگلروں کی مزاحمت اور سمگلروں کی گاڑی کی کاشف سمیع اللہ کی سرکاری گاڑی EIB-1 کو ٹکر مارنے کر گہری کھائی میں گرا دیا، جس کے نتیجے میں سمیع اللہ کاشف موقع پر شہید ہوگئے اور ڈرائیور حامد کو شدید زخمی ہوئے،
لیکن سمگلروں کی اپنی گاڑی بھی کچھ فاصلے پر اوور اسپیڈنگ کی وجہ بے قابو ہوکر کھائی میں جا گری، اور 3 زخمی سمگلر موقع سے فرار ہونے میں کامیاب ہوگئے۔
لوکل پولیس اور ایکسائز دیگر سکواڈز کے موقع پر پہنچنے کے بعد شہید کے جسد خاکی کو پوسمارٹم کیلئے اور زخمی کو ہسپتال روانہ کیا گیا، جبکہ محکمہ ایکسائز کے دیگر عملے نے محکمہ پولیس افسران و ایلکاروں کی موجودگی میں سمگلروں کی گاڑی کی تلاشی لینے پر مزکورہ گاڑی سے کروڑوں مالیت کی اعلی کوالٹی 37000 گرام ( 37 کلو) ہیروئن برآمد کی۔
ضلعی پولیس اور ایکسائز پولیس نے زخمی فرار ملزمان /سمگلروں کی تلاش جاری رکھی، جس میں ایک سمگلر جو کہ زخموں کی تاب نہ لاتے ہوئے ہلاک ہو گیا تھا کی لاش کو ضلع خیبر سے برآمد کر لیا گیا، جبکہ دو فرار زخمی سمگلروں کی تلاش کیلئے سرچ آپریشن جاری ہے۔
گروہ کے خلاف تفتیش اور کاروائی جاری ہے اور مزید معلومات اور اپڈیٹس وقتا فوقتا دی خیبرٹائمز اپنے قارئین کو پیش کریگی
یہ بھی پڑھئے : پشاورمیں ایکسائز کی گاڑی کو حادثہ، اہلکار جانبحق
