پشاور ( دی خیبر ٹائمز ایجوکیشن ڈیسک ) ہائیر ایجوکیش کے تجاویز کے مطابق یونیورسٹیز 3 اگست سے 15 اگست تک مرحلہ وار کھولی جائے گی، تمام جامعات سینڈیکیٹ اجلاس اور وائس چانسلر کو یونیورسٹی کھولنے کا اختیار ہے۔ جامعات کھولنے کے لئے ایس او پیز جاری کردیے گئے ہیں، دستاویزات کے مطابق پہلے مرحلے میں فیکلٹی ممبران اور وہ طلباء جن کو انٹرنیٹ پرابلم ہو انہیں کیمپس بلایا جائے گا، جبکہ فائنل ایئر کے طلباء ،ہاوس جاب کے طلباء سمیت دوسرے مرحلے میں کیپمس بلایا جائے گا۔
آخری مرحلے میں تمام طلباء کو جامعات آنے کی اجازت دی جائے گی ، جامعہ پشاور نے سفارشات مرتب کرنے کے لئے کمیٹی بنائی ہے، ترجمان کا کہنا ہے، کہ پشاور یونیورسٹی کھولنے کے حوالے سے ابھی تک دو میٹنگز ہوئی ہیں، بقائدہ لائحہ عمل طے کرنے کے بعد یونیورسٹی کھول دی جائے گی۔
