پاراچنار ( دی خیبرٹائمز ڈسٹرکٹ ڈیسک ) قبائلی ضلع کرم کے مرکزی شہر پاراچنار اور ملحقہ علاقوں میں شدید ژالہ باری اور طوفانی باد و باران کے باعث کھڑی فصلیں اور باغات تباہ ہوگئیں اور بجلی کا نظام درھم برھم ہوگیا، بارانی ندی نالوں میں طغیانی کے باعث ائیرپورٹ کالونی اور دیگر مقامات پر مکانات زیر آب آگئیں لوگوں نے امدادی ٹیمیں طلب کرنے کے لئے ہوائی فائیرنگ کی اور اطلاع ملنے پر ریسکیو کی ٹیمیں متاثرہ علاقوں میں پہنچ گئیں اور کئی مقامات پر سیلابی پانی میں پھنسے لوگوں کو نکال کر محفوظ مقام پر پہنچادیا ریسکیو 1122 کے انچارج عدنان حبیب کے مطابق ژالہ باری اور بارش سے 20 کے قریب مکانات متاثر ہوئے اور ریسکیو ٹیم نے 45 لوگوں کو ریسکیو کیا اور انہیں طبی امداد فراہم کی، شدید بارش اور ژالہ باری سےشہر کے مضافاتی علاقوں میں کئی کچے مکانات گرنے کی بھی اطلاع ملی ہے تاہم کسی علاقے سے کسی جانی نقصان کی اطلاع نہیں ملی ہے، شہریوں نے حکومت سے علاقے کو آفت زدہ قرار دینے اور لوگوں کیساتھ امداد کا مطالبہ کیا ہے۔
