ضلع کرم کے بالش خیل قبائل کے سینکڑوں خاندانوں نےاحتجاجاً اپنے علاقے سے نقل مکانی کرکےاحتجاجی دھرناشروع کردیا

پاراچنار ( دی خیبر ٹائمز ڈسٹرکٹ ڈیسک ) قبائلی ضلع کرم میں کے پاڑہ مخالف قبیلے کا زمینوں پر قبضہ ختم کرانے میں حکومت کی عدم دلچسپی اور ناانصافیوں کے احتجاجا گھروں کی چابیاں حکومت کے حوالے کرنے کا اعلان کیا ہے،
لوئر کرم کے علاقے سمیر میں قائم کئے گئے احتجاجی کیمپ میں دھرنے سے خطاب کرتے ہوئے ملک صفدر علی ، ارشا د حسین ، جوہر حسین ، روشن علی اور بالش خیل کے دیگر عمائدین نے کہا کہ ان کے ہزاروں ایکڑ اراضی پرمخالف قبائل نے قبضہ کرلیا ہے، اور عدالت کی جانب سے ان کے تعمیرات مسمار کرنے کے حکم کے باوجود قابضین کے خلاف کسی قسم کاروائی نہیں کی جارہی ہے، بار بار انتظامیہ سے رجوع کرنے اور احتجاج کے باوجود مسلے کے حل کیلئے کوئی قدم نہیں اٹھایا گیا اور گذشتہ دنوں اس اراضی جھڑپوں کے بعد انتظامیہ اور پولیس سمیت متعلقہ حکام نے بالش خیل قبائل کو حقوق دینے کی بجائے ان پر مزید مظالم ڈھائے گئے اور بے گناہ افراد کے خلاف ایف آئی آر درج کی گئی رہنماؤں کا کہنا تھا کہ بالش خیل قبائل نے حکومت کی ناانصافی پر مبنی فیصلوں کے خلاف احتجاجاً سینکڑوں خاندانوں نے نقل مکانی کرلی اور مین شاہراہ پر سمیت فٹبال گراؤنڈ پر احتجاجی کیمپ لگاکر دھرنا دے رہے ہیں اور مسلے کے حل تک دھرنا اور احتجاج جاری رہے گا رہنماؤں نے کہا کہ ہماری ہزاروں ایکڑ اراضی پر پاڑہ چمکنی قبائل نے قبضہ کیا ہے اگر ہماری زمینیں واگزار نہ کی گئی تو حکومت ہمارے گھر بھی قابضین کے حوالے کردے جس کیلئے ہم اپنی مکانات کی چابیاں حکومت کے پاس احتجاجا جمع کررہے ہیں رہنماؤں نے کہا کہ قابضین کی بجائے مظلوم فریق پر ایف آئی آر درج کرا کر انتظامیہ نے ظلم کے ریکارڈ توڑ دئیے ایم این اے ساجد طوری کا کہنا تھا کہ بالش خیل کے مسلے کے حل کیلئے ضلعی انتظامیہ سے بات چیت کا عمل جاری ہےمذاکراتی عمل میں فریقین کے پانچ پانچ عمائدین بھی لئے جائیں گے جس کے بعد حدود معلوم کرینگے

اپنا تبصرہ بھیجیں