پاراچنار ( دی خیبر ٹائمز ڈسٹرکٹ دیسک ) قبائلی ضلع کرم میں جائیداد پر قبضے اور تنازعات کے خلاف بالش خیل اور پاڑہ چمکنی قبائل کا احتجاجی دھرنا الگ الگ مقامات پر دو ہفتوں سے جاری ہے قبائلی عمائدین کا کہنا ہے کہ مسائل کے حل کیلئے ٹھوس اقدامات اٹھانے کی ضرورت ضرورت ہے۔
پولیس ذرائع کے مطابق بالش خیل قبائل نے اپنے جائیداد پر مبینہ قبضے کے خلاف دو ہفتوں سے احتجاجی دھرنا شروع کیا ہے اور حکومت سے پاڑہ چمکنی قبائل سے زمینیں واگزار کرنے کا مطالبہ کر رہے ہیں بالش خیل قبائل کے دھرنے کے پانچ روز بعد پاڑہ چمکنی قبائل نے بھی احتجاجی دھرنا شروع کردیا ہے دونوں قبائل جائیداد کی ملکیت کے تنازعے کے حل کیلئے حکومت سے اقدامات اٹھانے کا مطالبہ کر رہے ہیں۔
بالش خیل کے رہنما ملک صفدر علی کا کہنا ہے کہ طویل عرصے سے پاڑہ چمکنی قبائل کے اپنے جائیداد سے قبضہ ختم کرنے اور انہیں علاقے سے بے دخل کرنے کا مطالبہ کر رہے ہیں مگر کوئی شنوائی نہیں ہورہی دوسری جانب پاڑہ چمکنی قبائل کے رہنما الف خان چمکنی کا کہنا ہے کہ پیسے دیکر ہم نے زمینیں خریدی ہیں اب بالش خیل قبائل کا واویلا بے جا ہے ڈپٹی کمشنر ضلع کرم شاہ فہد کا کہنا ہے کہ مسلے کو مذاکرات کے ذریعے حل کرنے کی کوشش کی جارہی ہے۔
