پشاور ( دی خیبرٹائم سپورٹس ڈیسک ) وزیراعلی خیبرپختونخوا محمود خان نے سابق عالمی اسکواش چیمپئین جان شیر خان کا بزریعہ ٹیلی فون ان کی خیریت دریافت کی، سابق عالمی چیمپئن نے گزشتہ دنوں دو سپائن سرجریز کرائی تھیں۔
جان شیر خان اسلام آباد کے نجی ہسپتال میں زیر علاج ہیں۔ وزیر اعلی محمود خان نے جان شیر خان کے علاج معالجے کے اخراجات اٹھانے کا بھی اعلان کیا۔ محکمہ کھیل خیبر پختونخوا کو اخراجات کی بروقت ادائیگی کی ہدایت کی، وزیراعلیٰ خیبرپختونخوا نے انہیں بتایا کہ وہ عالمی چیمپئن جان شیر خان کی جلد صحت یابی اور بہتر صحت کیلئے دعاگو ہیں، جان شیر خان نے دنیا بھر میں پاکستان کا نام روشن کیا، عالمی چیمپئنز ہمارا سرمایہ ہیں جن پر قوم کو فخر ہے۔ خیبرپختونخوا حکومت کھیلوں کے فروغ اور کھلاڑیوں کی فلاح کیلئے کوشاں ہے۔ کھلاڑی امن کے سفیر ہیں انکی خدمات کو قدر کی نگاہ سے دیکھتے ہیں، جان شیر خان نے وزیر اعلی کا نیک خواہشات اور مدد پر شکریہ آدا کیا۔
