بنوں ( دی خیبرٹائمز کرائمز ڈیسک ) بنوں کے علاقہ جھنڈو خیل میں گھر گھر پولیو مہم کے دوران پولیو ٹیم کے ساتھ ڈیوٹی پر مامور پولیس کے پی ایس آئی آخر زمان پر نامعلوم مسلح افراد نے فائرنگ کردی جس کے نتیجے میں پی ایس آئی شدید زخمی ہوگئے اور موقع پر موجود لوگوں نے پولیس اہلکار کو خلفیہ گل نواز میڈیکل کمپلیکس پہنچایا تاہم زخموں کی تاب نہ لاتے ہوئے دم توڑ گئے مذکورہ پی ایس آئی کے ایک بھائی جوکہ ایف سی میں تعینات تھے کو نیو سبزی منڈی کے قریب ٹارگٹ کلنگ میں شہید کیا گیا تھا تاہم پولیس کی جانب سے کسی قسم کی گرفتاری عمل میں نہیں لائی جا سکی ہے شہید کی نماز جنازہ بنوں پولیس لائن میں ادا کر دی گئی تدفین کیلئے آبائی گاؤں بارکزئی منتقل کیا گیا جہاں سرکاری اعزاز کے ساتھ سپردخاک کیا گیا شہری اور دیہی علاقوں میں اسلحہ کی نمائش پر پابندی نہ ہونے کی وجہ سے مختلف واقعات رونما ہورہے ہیں امن وامان کی بگڑتی ہوئی صورتحال پر قابونہیں پایا جاسکا ہے ایک ماہ میں 74 افراد قتل جبکہ 54 افراد زخمی ہو گئے،
