مہمند ( دی خیبرٹائمز ڈسٹرکٹ ڈیسک ) پاکستان پیپلز پارٹی قبائلی ضلع مہمند کے رہنماوں اورکارکنان، شاہسوار خان، ارشد بختیار، ملک سرتاج، فضل ہادی، ارشد لالا، امتیاز خان ودیگر نے مہمند پریس کلب میں پریس کانفرنس کے موقع پر اپنے خیالات کا اظہار کرتے ہوئے کہا کہ منفی پروپیگنڈہ اور غلط بیانی موجودہ حکومت کا وطیرہ ہے، جبکہ علی آمین گنڈاپور نے ذوالفقار علی بھٹو کو غدار کہنے پر شدید الفاظ میں مذمت کرتے ہیں، علی آمین گنڈاپور کا بھٹو کے خلاف ہزرہ سرائی سے پاکستان پیپلز پارٹی کی دل آزاری ہوئی ہے، مذکورہ وزیر کو فوری وزارت سے برخاست کیا جائے، ان کا کہنا تھا کہ بھٹو نے ملک کو متفقہ آئین دیا، سٹیل مل لگایا، بھارت سے یرغمال 98 ہزار فوجیوں کو واپس لایا اور ایٹم بم کو شروع کرکے ملکی وقار اور استحکام میں اضافہ کیا ہے، بھٹو خاندان نے جمہوریت اور ملک کی خاطر جانی قربانیاں دیں اور اب ایک فحش اور غیر ذمہ دار ادمی ذولفقات علی بھٹو کو غدار کہتے ہیں، سیاسی رہنماؤں کی بےتوقیری کسی صورت برداشت نہ ہوگی، علی امین گنڈا پور اور مراد سعید پاکستانی سیاست پر بدنماء داغ ہیں، جنہیں عمران اپنے شیرو کہتے ہیں۔
تمام پی پی پی جیالے غدار کی استعمال کا شدید الفاظ میں مذمت کرتے ہیں، اگر ایسے بےسر و پا گفتگو کرنے والوں کے خلاف ایکشن نہیں لیا گیا، تو جیالے سڑکوں پر نکل آئیں گے، پی پی پی کے ضلعی رہنماؤں نے الزام لگایا کہ ضلع بھر میں زکواۃ فنڈز غریب کے بجائے پی ٹی آئی ورکرز میں تقسیم کئے جارہے ہیں، صوبائی حکومت اور مقامی انتظامیہ شفاف انکوائری کریں،
انہوں نے کہا کہ ضلع بھر گوناگوں مسائل اور مہنگائی نے گھیر لیا ہے۔ اور عوام کا جینا محال ہو گیا ہے۔ انہوں نے مختلف محکموں میں کروڑوں روپے کے ترقیاتی فنڈز واپسی عوامی نمائندوں کی واضح ناکامی قرار دی، اور بتایا کہ ایک لابی بیرونی اشارے پر پی پی پی سمیت جمہوریت اور جمہوری اداروں کو بدنام کرنے کیلئے برسرپیکار ہے۔ پریس کانفرنس کے شراکا کا یہ بھی کہنا تھا، کہ اب عوام جاگ گئے ہیں، اب عوامی سیلاب سیلکٹڈ افراد کا راستہ روکنے کیلئے میدان میں اتر گئے ہیں، اور جلد ہی بھٹو کے مشن کو آگے لے جانے کیلئے میدانوں میں نظر آئینگے۔
